Quwê – ankaŭ literumita Que, Kue, Qeve, Coa, Kuê kaj Keveh – estis Siria-Ĥetita Asiria vasalŝtato aŭ provinco en diversaj tempoj de la 9-a jarcento a.K. ĝis iom post la morto de Asurbanipal ĉirkaŭ 627 a.K. en la malaltebenaĵoj de orienta Cilikio, kaj la nomo de ĝia ĉefurbo, provizore identigita kun Adana, en moderna Turkio. La nomo Que reflektas la asiran transdonon de la indiĝena nomo Hiyawa,[1] la sama ŝtato estas konata kiel Hume el babilonaj fontoj. La demando ĉu la toponimo Hiyawa rilatas al Ahhiyawa, la Ĥetita nomo por Mikena Grekoj, estas nuntempe varme diskutata.[2] La ĉefa argumento favore al greka migrado en Cilikion ĉe la fino de la Bronzepoko estas la mencio de Muksa/Mopsos kiel la fondinto de la loka dinastio en indiĝenaj luviaj kaj fenicaj surskriboj.[3] Laŭ multaj tradukoj de la Biblio, Quwê estis la loko de kie Reĝo Salomono akiris ĉevalojn. [1Reĝ 10:28 , 29; 2Kron 1:16 ]

Vikipedio