La Katakombo(j) de Kaliksto (ankaŭ konata kiel la Tombejo de Kaliksto) estas unu el la Katakomboj de Romo ĉe la Apia Vojo, plej rimarkinda pro enhavado de la Kripto de la Papoj (itale: Cappella dei Papi), kiu iam enhavis la tombojn de pluraj papoj de la 2-a ĝis la 4-a jarcentoj. Historio La Katakombo supozeble estis kreita de la estonta Papo Kaliksto la 1-a, tiam diakono de Romo, sub la direkto de Papo Zeferino, pligrandigante antaŭekzistantajn fruajn kristanajn hipogea. Kaliksto mem estis entombigita en la Katakombo de Kalepodio ĉe la Aŭrelia Vojo. La kripto falis en maluzon kaj kadukiĝon ĉar la relikvoj, kiujn ĝi enhavis, estis translokigitaj el la katakomboj al la diversaj preĝejoj de Romo; la fina ondo de translokigoj el la kripto okazis sub Papo Sergio la 2-a en la 9-a jarcento, ĉefe al San Silvestro in Capite, kiu male al la Katakombo estis ene de la Aŭreliaj Muroj. La Katakombo kaj Kripto estis malkovritaj en 1854 fare de la pionira itala arkeologo Giovanni Battista de Rossi.

Vikipedio