Alexandrio estis konstruita de la Hasmoneanoj proksime al la limo kun Samario por loĝigi militistan garnizonon, same kiel por gardi politikajn malliberulojn. Ĝi estas poste menciita dum la konkero de Judeo fare de Pompejo la Granda kiel fortikaĵo de Aristobulo la 2-a: "...dum li preterpasis Pella kaj Skitopolon, li venis al Koremo, kiu estas la unua enirejo en Judeon kiam oni preterpasas la meznivelajn landojn, kie li venis al plej bela fortikaĵo kiu estis konstruita sur la supro de monto nomata Alexandrio, kien Aristobulo estis fuĝinta." La Alexandreion estis restaŭrita de Herodo la Granda, tasko kiun li asignis al sia frato Pheroras. Herodo donis al ĝi la karakteron de palaca dezerta fortikaĵo, simila al tiuj, kiujn li konstruis aŭ rekonstruitis ĉe Masada, Herodiono kaj Machaerus. Herodo uzis la fortikaĵon kiel malliberejon por siaj politikaj kontraŭuloj, tenante sian duan edzinon, Mariamne, kaj ŝian patrinon, Alexandra, tie en 30 a.K. Ĝi estis ankaŭ la entombigejo de Aleksandro, filo de Herodo, kaj Aristobulo, du el liaj filoj kiujn Herodo ekzekutis ĉe Sebaste en 7 a.K. Alexandrio estis fine detruita de Vespasiano aŭ Tito dum la Granda Ribelo.

Vikipedio