La Steleo de Merneptah, ankaŭ konata kiel la Steleo de Izrael aŭ la Venka Steleo de Merneptah, estas surskribo de Merneptah, faraono en antikva Egiptio kiu regis de 1213 ĝis 1203 a.K. Malkovrita de Flinders Petrie en Teboj en 1896, ĝi nun troviĝas en la Egipta Muzeo en Kairo.

La teksto estas ĉefe raporto pri la venko de Merneptah super la antikvaj Libianoj kaj iliaj aliancanoj, sed la lastaj tri el la 28 linioj traktas apartan kampanjon en Kanaano, tiam parto de la imperiaj posedaĵoj de Egiptio. Ĝi estas foje nomata la "Steleo de Izrael" ĉar plimulto de fakuloj tradukas aron da hieroglifoj en linio 27 kiel "Izrael". Alternativaj tradukoj estis proponitaj sed ne estas vaste akceptitaj.

La steleo reprezentas la plej fruan tekstan referencon al Izrael kaj la solan referencon el antikva Egiptio. Ĝi estas unu el kvar konataj surskriboj el la Ferepoko, kiuj datiĝas al la tempo de kaj mencias antikvan Izraelon laŭnome, kun la aliaj estantaj la Steleo de Mesha, la Steleo de Tel Dan, kaj la Monolitoj de Kurkh. Sekve, iuj konsideras la Steleon de Merneptah kiel la plej fama malkovro de Petrie, opinio kun kiu Petrie mem konsentis.

Vikipedio