Բիրկեթ Իսրայել (թարգմ․՝ Իսրայելի լիճ), նաև Բիրկեթ Իսրաիլ կամ Բիրկեթ Իսրա'ին, կրճատ՝ Բիրկեթ Բենի Իսրաիլ (թարգմ․՝ Իսրայելի երեխաների լիճ)՝ հանրային ջրամբար, որը գտնվում էր Երուսաղեմի Տաճարի լեռան հյուսիս-արևելյան անկյունում։ Կառույցը համարվում է, որ կառուցվել է հռոմեացիների կողմից որպես ջրամբար և նաև Տաճարի լեռան հյուսիսային պատը պաշտպանելու համար։ Արաբ տեղացիները այս անվամբ են այն ճանաչում առնվազն 1857 թվականից։

Որոշ հնագետներ որոշել են, որ ջրամբարը հնարավոր է կառուցվել է Հերովդեսի ժամանակաշրջանում՝ Երուսաղեմի ջրամատակարարումը բարելավելու համար։ Մյուսները կառուցման տարեթիվը գնահատում են ավելի ուշ՝ մոտ 130 թ.։ Այս տեսակետը պաշտպանում է Չարլզ Ուորենը, ով արձանագրել է, որ թեև ինչ-որ տեսակի խրամատ պետք է գոյություն ունեցած լիներ այդ վայրում շատ վաղ շրջանում, քանի որ Հովսեփոսի գործերում լճի նկարագրություն չկա, «և շատ անհավանական է, որ նա կթողներ հիշատակել այդպիսի հսկայական ջրամբար, եթե այն գոյություն ունենար իր ժամանակներում», այն ամենայն հավանականությամբ կառուցվել է Հռոմեական կայսր Հադրիանոսի կողմից՝ Երուսաղեմի վերականգնման ընթացքում։

Վիքիպեդիա