Դելփի (/ˈdɛlfaɪ, ˈdɛlfi/; հունարեն: Δελφοί [ðelˈfi]),[a] լեգենդի համաձայն նախկինում կոչվել է Պյութո (Πυθώ), հին ժամանակներում եղել է սրբազան վայր, որը ծառայել է որպես Պյութիայի նստավայր, որը եղել է գլխավոր օրակուլը, ում դիմում էին կարևոր որոշումների համար ամբողջ հին դասական աշխարհում։ Օրակուլը ունի նախապատմական ծագում և դարձել է միջազգային բնույթ կրող, ինչպես նաև խթանել է հույն ազգության զգացմունքները, չնայած որ Հունաստանի պետությունը դարեր հեռու էր իրականացման։ Հին հույները համարում էին, որ աշխարհի կենտրոնը գտնվում է Դելփիում, որը նշված է օմֆալոս (պորտ) կոչվող քարի հուշարձանով։ Գե կամ Գայա սրբազան վայրը գտնվում էր Ֆոկիսի շրջանում, բայց նրա կառավարումը վերցվել էր ֆոկիսցիներից, ովքեր փորձում էին գումար կորզել այցելուներից, և հանձնվել էր ամֆիկտիոնիայի, կամ անձանց կոմիտեի, որը հիմնականում ընտրվում էր Կենտրոնական Հունաստանից։ Ըստ Սուդայի, Դելփին իր անունը ստացել է Դելֆինեից, իգական օձից (դրակաինա), ով ապրում էր այնտեղ և սպանվել էր Ապոլոն աստծո կողմից (այլ պատմություններում օձը եղել է արական օձ (դրակոն) Պյութոնը)։[4][5] Սրբազան վայրը զբաղեցնում է սահմանված տարածք Պառնաս լեռան հարավ-արևմտյան լանջին։ Այժմ այն լայնածավալ հնագիտական վայր է, և 1938 թվականից Պառնասոս ազգային պարկի մի մասն է։ Սրբազան վայրի հարևանությամբ գտնվում է նույնանուն փոքր ժամանակակից քաղաք։ Վայրը ճանաչվել է ՅՈՒՆԵՍԿՕ-ի կողմից որպես Համաշխարհային ժառանգության վայր, քանի որ այն մեծ ազդեցություն է ունեցել հին աշխարհում, ինչպես վկայում են այնտեղ կառուցված տարբեր հուշարձանները, որոնք կառուցվել են հին հունական կարևորագույն քաղաք-պետությունների կողմից՝ ցույց տալով նրանց հիմնարար հելլենական միասնությունը։ Վիքիպեդիա